آخر الأخبار

جاري التحميل ...

  1. سارة جمال الدين8 أبريل 2016 في 3:23 م

    هي الـ MBA قوية وكل حاجة ودراستك ليها رائعة بس انا شايفه من وجه نظري انكم بتدوها اكثر من حقها فجأة كدة ظهرت وبقت إللزامية ليه يعني اشمعني ؟

    ردحذف
    الردود
    1. لا والله يا سارة انا مدتهاش اكتر من حجمها بس هي الي فرضت نفسها وزي ما انتي قولتي بقي شئ إلزامي وانا كل الي عليا بسهل العلم للناس وبحاول أساعدهم مليش أي مصلحه في حاجة.

      حذف

5 أسباب تخليك تدرس ماجستير إدارة الأعمال MBA

 ماجستير إدارة الأعمال MBA كن رائد
5 أسباب تخليك تدرس ماجستير إدارة الأعمال MBA
ناس كتير جداً لما تيجي تكلمها عن ماجستير أدارة الأعمال الـ MBA , تتكلم معاك في أن الماجستير ده مجرد نفخة كذابة وإن شهادته زيها زي أي شهاده مركونة علي الرف وأن سوق العمل محتاج الي بيعرف يشتغل مش الي معاه شهادات كتير , بس انا أحب أقولك حاجة و أصحح معلومة , بشكل مبدئ طبعاً انا مع الي بيقول ان الشهادات ملهاش لازمة وكترها مش  هو الي هيشغلنا بس لحظة من فضلك .... !
لازم تفصل تماماً ما بين الشهادات والكورسات والماجستير ... أيوه الماجستير الـ MBA هي عبارة عن ماجستير أدارة الأعمال معمول مش لاي حد لأ ده للناس الرائدة في مجالها والي فعلاً تقدر تثبت أنها قد التحدي والإستمرار في الإبداع ودعم المجال , ولو كانت مجرد كورس مكنش هيوصل الحد الادني في سعرها لـ 40 الف جنية مصري , عشان تفهم اكثر ركز معايا في الي جاي ده .

5 أسباب تخليك تاخد ماجستير أدارة الأعمال الـ MBA :

1- زيادة المرتب

من المعروف في سوق العمل أن مرتب الموظف الحاصل علي شهادة ماجستير أدارة الأعمال MBA بيصول دلوقتي إلي ضعف مرتب الموظف العادي ,وفي بعض المؤسسات الأجنبية بيوصل لـ3 أضعاف , يعني لك أن تتخيل انك تكون شغال معاك شهادة ماجستير أدارة الأعمال والي جنب مش معاه وأنت بتقبد قده مرتين وأنتم في نفس المكان , ده غير التأمينات الإجتماعية والصحية الي بتكون متوفره ليك وواجب توفيرها ليك حتي لو أنت في شركة خاصة ,غير بيئة العمل الي بتكون أفضل ومستواك الي بيكون أعلي بالطبع .

2- فرص عمل افضل

الاحصائيات بتقول ان 70 % من الحاصلين على ال MBA بيشغلوا مناصب كمديرين تنفيذين او أعضاء مجلس إدارة,لان حصولك علي الـ MBA وأنك تكون حامل لـشهادة ماجستير إدارة الأعمال ده بيخليك مؤهل للحصول علي مناصب أعلي رغم صغر سنك لو أنت لسه متخرج أو في مرحله الشباب ,وسبق وأتكلمت معاكم أن مرتبك بيكون الضعف وأكيد مع زيادة المرتب زيادة المنصب والمكانه في مكان عملك بشكل خاص ومجال عمللك بشكل عام ولو دخلنا علي موقع زي لينكدأن هنلاقي أن الناس الي حاصلة علي الـ MBA بنسبة 99,9% بشغلوا مناصب عالية جداً وفي مؤسسات عريقة .


3- علاقات حالية ومستقبلية أقوي

متخيل أنت لما تكون قاعد في ماجستير بتدرس وكل زملائك هما قادة مدراء المستقبل القريب , وتتبادلوا المصالح العامة والخاصة بحكم المناسب الي بتشغلوها , ده غير ان معظم الدراسين دكاترة ومحاضرين يبقوا ناس شغالة في مجال الBusiness او اشتغلت فيه قبل كدا و عندهم خبرة عالية جدا .

4- الـ MBA هتزود خبرتك 200%

سامع ناس بتقول طيب ما هو أي كورس أو منحة تعليمية هتزود خبراتنا وهتعلمنا شئ جديد ده التعامل اليومي نفسه في زيادة للخبرة , بس انا أحب اقولك أني مش بتكلم في كدة نهائي , من خبرات السابقة وقصص الناس الي درست ماجستير إدارة الأعمال والي بقوا رواد دلوقتي في مجالهم الناس ديه بتقول أن دراسة الMBA في حد ذاتها بتدفعك انك تخرج من ال comfort zone بتاعتك دى، تتعرف على اجدد المواضيع، و تتطبق اجدد طرق و تقنيات الاداره و تفضل باستمرار في تحدى مع نفسك. و داب يستمر حتى بعد ما تخلص. و دا لان ال MBA بتوفرلك القنوات اللى تقدر من خلالها تعلى مستوى التحدى و تخليك تتطور من نفسك باستمرار.

5- تكوين نظرتك الخاصة عن مجال إدارة الاعمال والـ Business .

الـ 4 نقط الي أتكلمنا فيهم الحاجات دى كلها مع بعض بتديك رؤية هايلة وشاملة عن عالم ال business والإدارة، فهم عميق وملاحظة دقيقة لأبسط التغييرات في بيئة العمل. النوع دا من الفهم و قوة الملاحظة مش بيتحقق الا لو قضيت وقت كتير بتشتغل علشان تحققه. لو انت من النوع اللى يقدر يكون #قد_التحدي بتاع المناصب القيادية ؟ لو تقدر تستحمل مسؤولية كبيرة و تقدر تتعلم و تتطور من نفسك باستمرار ؟ يبقى انت من الناس اللى هتحقق انجاز هايل في الMBA ;)

لحد هنا موضوعي أنتهي بس الكلام لسه منتهاش الفترة القادمة هنشرلكم منح دراسية وكورسات عن ( ماجستير إدارة الأعمال MBA ) فحاولوا تكونوا متابعين بإستمرار عشان ميفتكومش أي حاجة أن شاء الله .

عن الكاتب

mkryad

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

كن رائد