تعرف علي فيزا البريد المصري من التفعيل حتي إستلام الاموال .

89
مدونة كن رائد
إستلام الاموال من الباي بال عن طريق فيزا البريد المصري 

السلام عليكم ورحمه الله وبركاته اليوم بأذن الله سأتحدث معكم عن موضوع هام جداً لكل فري لانسر Freelancer مصري إستلام الاموال عن طريق موقع Paypal , فلو كنت فري لانسر أو باذن الله ناوي تشتغل أو حتي بتبيع حاجة علي الانترنت ومش عارف تستلم فلوسك ف النهاردة بفضل الله أستلمت فلوسي من Paypal عن طريق فيزة " كل الناس "  وفي هذا الموضوع علي مدونتكم كن رائد هنقلكم تجربتي مع فيزا البريد المصري .

خطوات الحصول علي فيزا كل الناس من البريد المصري 

صورة من موقع البريد المصري توضح ما هي فيزا كل الناس

 أولاً هتتجه لأقرب فرع بريد مصري ليك وتسالهم علي فيزا كل الناس وتتأكد أن هي الفيزا المطلوبة لأن في فيزا بـ 15 جنية مصري ديه مش هنحتاجها لانها مش هتقدي الغرض وملهاش علاقة بالتعامل الالكتروني أو حتي إستلام الاموال من Paypal.
الفيزا المطلوبة هي فيزا كل الناس من البريد المصري وديه ثمنها 30 جنية مصري ويوجد منها ثلاث أنواع :
  • فيزا كل الناس للأسرة
  • فيزا كل الناس للشباب
  • فيزا كل الناس لرجال الاعمال 

أنواع فيزا البريد المصري كل الناس :

الصراحة أنا جبت فيزا كل الناس لرجال الأعمال هي مش هتفرق في حاجة علي حد علمي كلهم زي بعض عادي الفكرة كلها في معدل السحب الشهري واليومي فخلينا في الكبيرة لعل وعسي تبقي يوماً ما من رواد الاعمال في العمل الحر وتكسب فلوس كتير والله وحده من يقسم الأرزاق لمن يشاء كيف يشاء .

 خطوات تفعيل فيزا كل الناس من البريد المصري 

 لتفعيل فيزا البريد المصري كل الناس بعد شرائها هيدوك علي الشباك رقم عشان تتصل بيه تاني يوم وغالباً هيكون رقم خدمة العملاء في البريد المصري 0235315900 هترد عليك موظفة خدمة عملاء البريد المصري وهتطلب منها انك تفعل الفيزا هتطلب منك اسمك ورقم الفيزا وهتفعلها قبل ما تقفل .

كيفية ربط فيزا البريد المصري كل الناس بـ الـ Paypal ؟

عشان تربط الفيزا علي الـ Paypal هتروح تضيف فيها مبلغ مالي هو المفروض اي مبلغ عادي لكن موظف البريد المصري قال أن الحد الادني لإضاع هو 100 جنية مصري , ولازم تشحن قبل ما تربطها بحسابك في Paypal لأنك لو مضفتهاش مش هيقبلوها وأنا حاولت فعلاً اعملك كدة يعني عن تجربه .

كيفية إستلام أموالك في باي بال Paypal عن طريق فيزا البريد المصري ؟

بعد ما تفعل الفيزا وتربطها زي ما شرحتلكم في الخطوتين الي فاتوا دلوقتي جه وقت سحب المال طبعاً سهله جداً في اي منصة عمل حر انك ترسل اموالك للـ Paypal وبعد ما بترسلها بتنتظر 3 أيام وتتوجه لأي مكنة صرف آلي ATM وبتسحب فلوسك زي أي حد عادي جداً وحتي الان لسه مفي نسبة بتتخصم علي سحب الفلوس .

طريقة الأستعلام عن رصيدك في فيزا البريد المصري كل الناس 

تقدر تستعلم عن رصيدك في باي بال Paypal عادي جداً عن طريق الاتصال علي رقم خدمة العملاء الخاص بالبريد المصري وغالباً بردو هو هو نفس الرقم الي أخذته لتفعيل الفيزا 0235315900 وتقدر تستعلم عنه علي مدار 24 ساعة عادي جداً .



في النهاية أنا كدة بفضل الله شرحتلكم كل حاجة ممكن تحتاجوها عن فيزا البريد المصري وأظن خلاص ملكمش حجة دلوقتي عشان تشتغلوا وتستلموا اموالكم بفضل لله ولو محتاجين أي حاجة في العمل الحر تقدروا تراسلوني أو تكتبوا تعليق .

التعليقات

  1. أميرة عيسي11 April 2016 at 20:20

    شكراً لحضرتك علي الموضوع ده أنا بقالي قترة منتظرة payoneer ,لسه موصلتش بس ديه ان شاء الله هتكون أفضل .

    ReplyDelete
    Replies
    1. أن شاء الله افضل للمصرين بالطبع .

      Delete
    2. This comment has been removed by the author.

      Delete
    3. طريقة تفعيل بدئية جدا وغير كده الرقم ده صعب ان يرد عليك اصلا انا بطلبه من الموبايل ولا لازم خط ارضى

      Delete
  2. طيب انت استلمت الفيزا في نفس اليوم ولا بعد اد ايه؟

    ReplyDelete
    Replies
    1. بتستلميها وأنتي واقفه يا ناهد وبتتفعل في نفس اليوم أو تاني يوم بمجرد ما بتطلبي خدمة العملاء زي ما موضح بالموضوع بالظبط .

      Delete
    2. طيب انا استلمتها وفعلتها ومفيش رقم سرى شلت الزقه البيضه ومش تحتها رقم

      Delete
  3. وهل ممكن اشتري بيها من الانترنت اي شي ولا سحب فقط الله يكرمك

    ReplyDelete
    Replies
    1. لا ممكن تشتري بيها طبعاً يا أسامة بأذن الله لا تقلق .

      Delete
    2. بص هي بديلة توماس كوك الخاصة ببنك الـ Cib زيها

      Delete
  4. هل تتسلم فلوسك دولار ولا مصري ؟

    ReplyDelete
    Replies
    1. الله أعلم هو الـ Paypal بيحول الفلوس بالدولار مش عارف بقي مكنه السحب هتخرجهم أيه وبسعر صرف كام بس علي ما اعتقد لحد ما اسحب أخر الشهر و أقولكم هتستلم بالدولار .

      Delete
  5. هل الفيزا دى بضع فيها فلوس معايا غير اللى بسحبها من paypal

    ReplyDelete
    Replies
    1. عادي جداً يا أنهار كأنه حساب بنكي بس جاري .

      Delete
  6. الفلوس بتتسحب بالمصري يا جماعة يعني في كل 100 دولار هتخسر أكتر من 140 جنيه فرق سعر الدولار الرسمي عن الدولار في السوق غير الرسمية. وشكرا

    ReplyDelete
    Replies
    1. مشكلة كبيرة طبعاً في سحب الأموال .

      Delete
  7. وصل وصل وصل وصاااال :D
    الحمد لله الفيزا وصلتلي اليوم علي البيت بعد ما أتبعت الخطوات جزاك الله خيراً يا مصطفي وشكراً ليك جداً جداً عاوزة أرف الصورة مع التعليق بس مش عارف أرفع صورة في التعليقات إزاي , يا ريت تسمحلنا بالموضوع ده وشكرأً ليك تاني مش متخيل فرحتي ^_^

    ReplyDelete
    Replies
    1. بسم الله ما شاء الله ^_^
      ربنا يديم فرحتك يا رب وتحت أمرك في اي حاجة تحتاجها انا كمان فحانلك والله .

      Delete
  8. لو سمحت هو لو انا مستخدمتش الفيزا لمده 3 شهور تتقفل مع العلم بان فى الحساب نقود

    ReplyDelete
    Replies
    1. لا يا أحمد عادي جداً زيها زي أي فيزا , الفيزا مش هتتقفل غير لما معاد تجديدها يجي وأنت متجددهاش .

      Delete
  9. لو سمحت هو لو انا مستخدمتش الفيزا لمده 3 شهور تتقفل مع العلم بان فى الحساب نقود

    ReplyDelete
    Replies
    1. لا يا أحمد عادي جداً زيها زي أي فيزا , الفيزا مش هتتقفل غير لما معاد تجديدها يجي وأنت متجددهاش .

      Delete
  10. السلام عليكم
    هل تعلم حضرتك ما الفرق بين الحساب الجارى الفضي والذهبي والبلاتيني ودفتر التوفير واستثمار فيصل؟
    وهل اي منها يمكن استخراج له فيزا البريد المصرى؟

    ReplyDelete
    Replies
    1. فيزا البريد المصري هي فيزا مرتبطه بحسابك الجاري في البريد المصري , وليس لها أي علاقة أو إرتباط بأ بنك مصري أو أجنبي ,,, هو فقط بمثابه حساب خاص بك ولكن في البريد المصري .

      Delete
  11. ارجوا ياشباب التاكد وعدم التسرع
    فيه حد كان له مشكلة مع فيزا البريد المصري تاريخ 2-7-2016 نصها هو :
    اواجة مشكلة عدم تمكني من سحب رصيدي في باي بال المربوط بفيزا البريد المصري
    مع العلم اني املك فيزا اللي ب 30 جنية وشحنتها ب 100 جنية اول ما اشتريتها واستقبلت عليها اموال والكلام دة من حوالي 20 يوم مثلا
    المشكلة الان اني لا استطيع القيام باي عملية شراء علي الانترنت وتاتي لي هذة الرسالة :

    We're sorry, but your transaction couldn't be completed using the selected card, Visa x-5885. This happened because it has been denied by the card issuer.


    الرجاء ما الحل ؟
    وجاله الرد الصادم ده من احد الشباب :
    يا اخى ارميها لان البنك المركزى منع التعامل مع باى بل
    وده رابط الموضوع http://www.traidnt.net/vb/traidnt2643608/

    ReplyDelete
    Replies
    1. البنك فعلاً كان قافل كل شئ من تاريخ 30-6-2016 وكنا في مهزله محدش عارف ستلم حاجة , اليومين دول القيوض أتفكت والlimit أترفع نوعاً ما طبقاً لكل بنك .

      Delete
    2. ممكن توضيح يعني هي شغالة دلوقتي ولا لأ وقيوض ايه اللي اترفعت نوعا ما يعني تنصحني أشتريها ولا فيه بديل أحسن

      Delete
    3. لا يا وليد , خلاص متشترهاش ولا لها إي لازمه روح بكرا أسال في البنك العربي الافريقي وشوف دنيتهم عندهم حاجة للانترنت كويسة جداً مش فاكر اسمها بس هستخرجها وهنزلكم موضوع تفصيلي عنها .

      Delete
  12. لو سمحت دقدر تقارنلي بين فيزا البريد وفيز البنوك المختلفه وايهما افضل بالنسبه لبيبال وبالنسبه للعادي
    اقصدبفيزا البنوك الفيزا الغير مرتبطه بحساب بنكي

    ولو رابط حسابي بفيزا البريد مفيش طريقة استلم الحساب بالدولار بدل الجنيه
    ارجو الردوشكرا

    ReplyDelete
    Replies
    1. للأسف البنك المركزي خلاص خلي كله واحد يا إبراهيم , لا مفر !

      Delete
  13. موضوع جميل جدا ومفيد وكنت فى حاجة اليه ولكنى وجدت كثير من المواقع و المدونات يتحدثوا عن البطاقة واغلبهم يقول انه تم ايقاف استلام الامول من باى بال بقرار من البنك المركزى واغلب المواضيع من 3 شهور او اكثر فهل انت تقوم بأستلام الاموال حاليا عليها فى انتظارك للرد لاقوم بالحصول عليها او ترك الامر و التعامل بـ بايونير

    ReplyDelete
    Replies
    1. للاسف البنك المركزي ضيق عليما جداً وملحقناش نتهنا بيها يدوبك سحبه , وقل ومنع التعامل ببيها !

      Delete
    2. This comment has been removed by the author.

      Delete
    3. This comment has been removed by the author.

      Delete
  14. يعنى خلاص يا جماعه كده الفيزا اتوقفت ولا ايه

    ReplyDelete
    Replies
    1. أيوه للأسف توقفت نهائياً ان شاء الله تابعونا عليكن رائد هنزلكم حلول جديدة

      Delete
  15. طيب انا كنت حاطه عليها فلوس ولما بحاول اسحبها من اي ماكنه atm بيقولي في خطأ لو روحت البريد اقدر اسحبهم ولا كده خلاص راحوا عليا

    ReplyDelete
    Replies
    1. طبعاً تقدي تروحي تحسبيهم هما في حسابك بالبريد مفيش مشكله .

      Delete
  16. السلام عليكم، ألا زال هذا الأمر إلى الآن؟ أم توقف إخراج تلك البطاقات؟
    هل طلبوا منك إثبات وظيفة؟

    ReplyDelete
    Replies
    1. وعليكم السلام ورحمه الله وبركاته أخي أسامه , لم يعد هناك فرص لاستخراج تلك البطاقة حيث انها متوقفه الان , ولكن بناء علي بعد الأخبار علي بعض مواقع العمل الحر ومنتديات المستقلين المصريين يقال أنها ستعود من منتصف شهر 1/2017 والله اعلم , ولا تحتاج إلي اثبات أي وظيفه فقط بطاقتك وشهادة الميلاد والأوراق الاخري المطلوبة .

      تشرفت بتعليقك ♥

      Delete
    2. هو لازم احط فلوس علشان استلم الفيزا

      Delete
    3. هو لازم احط فلوس علشان استلم الفيزا

      Delete
  17. ملحوظة عن تجربة بخصوص ربط بايونير بباي بال :
    الباشمهندس احمد مسعد قال انه ممكن يتحظر عشان شركة منفسة وكده بالإستناد على تجربة كذا واحد يعرفه , بس انا هقول تجربتي , ممكن تطلع صح ممكن تطلع غلط , بس ممكن يكون سبب الحظر زي تجربتي , اول مرة حاولت اربط حساب بنك بايونير بحساب باي بال كان اسم حسابي في بايونير محتلف عن اسم حسابي في باي بال , فلما استقبلت حوالة من باي بال للحساب البنكي في بايونير بغرض التفعيل , كان اختلاف اسم الحسابين سبب في حظر حسابي في بايونير , وطلبوا مني اثبات هوية صاحب حساب باي بال وعلقتي بيه وتاريخ ميلاده واسمه الكامل , واترفع الحظر من الحساب , بس عملت حساب باي بال جديد بنفس الاسم بتاع بايونير واتربط عادي جدا من غير حظر , انهاردة استقبلت اول حوالة من باي بال للبايونير ومفيش اي مشاكل خالص والفلوس في حساب بايونير عادي من غير مشاكل , حبيت انبه الناس الي عايزة تربط باي بال ببايونير عن طريق الحساب البنكي التاكد من ان الحسابين ليهم نفس الاسم

    ReplyDelete
    Replies
    1. شكراً يا أحمد علي التفاصيل الرائعة ديه والتوضيح ده , فعلاً يا ريت الناس تاخد بالها من الموضوع ده أن في التعاملات المادية البنوك الألكترونية بتحرص جداً جداً جداً علي الأسماء والبيانات , وده حاجة في صالحنا عشان أمان أموالنا وحسابتنا .

      Delete
  18. انا رحت البريد المصري من حوالي ثلاث شهور والموظف قاللي انه تم الغاء ميزة البيبال الخاصه بالفيزا
    فطبعا قلت وايه لزمتها كده؟
    هي في الحقيقه كانت حتحل مشاكل كتير ... لكن هذا قدرنا نحن المصريون
    انا بستخدم فيزا dixipay
    لكنها مكفلة جدا رسوم صيانة شهريه 3 دولار
    وعند السحب من الماكينة 3 دولار
    يعني لو مكنش عندك دخل كبير بلاش ..( وهي الحل الوحيد المتاح حاليا )

    ReplyDelete
    Replies
    1. dixipay فعلاً غالياً جداً , لكن أن شاء الله هيكون في حلول زي فيزا الأنترنت من بنك مصر أان رحت قدمت عليها والمفروض خلال أسبوعن أن شاء الله أروح أستلمها بس المشكله ليها حدود 3000 جنية في الشهر , سواء كان حد شراء أو بيع .

      Delete
    2. تم رفع حظر الشراء علي فيزا البنوك الي حد اقصي 1000 دولار شهرياً
      يعني تقدر تشتري من الانترنت بحد أقصي 1000 دولار
      انا جربت فيزا بنك مصر

      Delete
  19. لو سمحت هيا لسه شغاله ولا لاء
    وياريت تقولي حل عشان ف ناس بتقول انها ممكن تدخل جوا مكنه ال ATM ومتطلعش
    وشكرا مقدما

    ReplyDelete
    Replies
    1. ده طبيعي جداً لان العمل بها توقف نهائياً , ومش عارفين لسه إذا كانت هترجع او لا وعمليه سحبها اتوماتيكياً ده لانها أصبحت غير فعاله في الوقت الحالي .

      Delete
  20. معلش ف السؤال
    هوا بعد اما اقولهم انا عايز فيزا اكلم خدمه العملاء عشان ااكدها الاول ولا اشحنها ب ال100 جنيه الاول

    ReplyDelete
    Replies
    1. الفيزا وقفت خلاص , لكن العادي انك بعد ما بتستلمها بتروح تحط فيها فلوس حتي لو 20 جنية وتفعلها .

      Delete
  21. هو انا عشان اسحب فلوش من ال ATM لازم اربط الفيزا بال بى بال مه العلم انى مش هشترى ا حاجة عن طريق الانترنت ؟؟

    ReplyDelete
    Replies
    1. بتكلم عن أني فيزا بالظبط ؟ ولول بتكلم عن باينير أو ديسكي باي فعادي جداًبتروح مباشراً تسحب من الـ ATM .

      Delete
  22. طيب لو سمحت دوقتى انا ليا فلوس ع موقع انترنت،، عايزة احولها على اى ماستر كارد او فيزا،، و الموقع بيرفض الماستر كارد بتاعى على بنك القاهرة،، ايه الحل الله يبارك ل

    ReplyDelete
    Replies
    1. بنك القهارة مش بيقبل في كل المواقع , عندك فيزا البنك العربي الأفريقي , او فيزا بنك مصر دول تمام , بس علي حسب الموقع , انت شغال مستقل علي موقع أيه ؟

      Delete
  23. طبّ بالنِّسبة لحساب التّوفير في البريد.. أكيد معاه ڤيزا! هل الڤيزا دي صالحة للعمل الإلكتروني ولّا إيه؟

    ReplyDelete
    Replies
    1. الصراحة معنديش علم بالموضوع ده ممن تتصل تسالهم وياريت لو تبلغني لو فعاله وجزاك الله خيراً.

      Delete
  24. السلام عليكم هل في اي طرق جديده لسحب الفلوس من بايونير

    ReplyDelete
    Replies
    1. بأذن الله خلال الأسبوع ده هنشرلكم مفاجأءة بخصوص الموضوع ده هتكون سهله وتكلفتها أقل بكتير كمان .

      Delete
  25. اخي فيزا البريد المصري متوقفه الان ... لا يمكنك تفعيلها مع البيبال
    الكلام ده منذ فتره ونحن ننتظر
    اما انا استخدم فيزا ديكسي باي
    ولكنها مكلفة جدا جدا وخصوصا اذا كانت ارباحك قليله
    حيث تخصم شهريا 3 دولار رسوم صيانه
    وتخصم 3 دولار عند السحب
    وايضا البيبال يخصم رسوم التحويل الي الفيزا
    اتمني التوفيق للجميع

    ReplyDelete
    Replies
    1. شكراً لتعليقك وقد سبق ونبهت بالفعل أن فيزا البريد المصري لسحب الاموال من الباي بال قد توقف نهائياً ولكن لأن الموضوع مؤرشف في جوجل وحاصل علي ثقة عاليه بفضل الله مازال يظهر لمن يريد أن يسحب أمواله من الأنترنت .

      Delete
  26. طيب انت سحبت من دكسى باى قبل كده من مكنة اى تى ام

    ReplyDelete
    Replies
    1. مكلفه جداً منصحش التعامل بيها خصوصاً لو أرباحك شهرياً اقل من 500 دولار , بأذن الله خلال أيام هنشر حل رائع لفيزا أنترنت بنك مصر فقط جاري تجربتها قبل كتابه الموضوع .

      Delete
  27. شكرآ ياباشا على الموضوع الجميل ده وعلى المجهود الى حضرتك بزلته

    ReplyDelete
  28. طيب هل ممكن افعلها عن طريق الفيزا الشخصي واسحب من البايبال

    ReplyDelete
  29. انا عملتها ب ٧٠ جنية رسوم 20 جنية وحطيت فيها 50 جنية فهل الفيزا دى تنفع لربطها بالباي بال او استخدامها للسحب عبر الانترنت

    ReplyDelete
    Replies
    1. انتا كدا عملت حساب الحساب بيتعمل ب20ج و50ج اقل حاجة في الساب لكن الفيزا بتتعمل ب500 اقل حاجه

      Delete
  30. وقالى استلامها بعد شهر وادانى ايصال بالاستلام وادانى رقم الحساب

    ReplyDelete
  31. نصيه لله البريد المصرى خدمة سيئة للغاية عن تجربة شخصية

    ReplyDelete
  32. طب فيزا البريد المصري ينفع أشحن بيها أي منصة تداول فوركس علما بأن الشحن بالدولار

    ReplyDelete
  33. ها يا جماعة ايه اخر الاخبار وصلتوا لحلول ؟ نسحب فلوسنا ازاى من بايبال الله يكرمكم ؟

    ReplyDelete
  34. انا جبتها بس برن علي الرقم بتاع التفعيل وعلي طول مشغول وبقعد ع إنتظار

    ReplyDelete
  35. لو سمحت انا لو عايز اطلع واحده اقولهم ايه وايه المتطلبات بالظبط

    ReplyDelete
  36. وممكن تقولى ثمنها كام

    ReplyDelete
  37. وممكن تقولى ثمنها كام

    ReplyDelete
  38. تم ارسال شكوى الى بوابة الشكاوى الحكومية بهذا الخصوص وللتظلم من قرارات البنك المركزة

    ReplyDelete
  39. This comment has been removed by the author.

    ReplyDelete
  40. This comment has been removed by the author.

    ReplyDelete
  41. انا مش فاهم انتو بهايم ازاى محدش فكر يكلم خدمة عملاء باى بال ههههها انا كلمتهم عن طريق الرسائل فى الموقع ردت الموظفة قالتلى هات بطاقة كريدت كارد وفى واحد حكى على النت ان العملية نجحت هههههههها الحمد والله والشكر لله وانا لسة لا استخرجت فيزا ولا سحبت شيئا وبالتوفيق ان شاء الله واعولى الله يكرمكم

    ReplyDelete
    Replies
    1. وادعولى الله يكرمكم

      Delete
  42. انا اتنفخت من هذا الموضوع لولا ان باى بال قالى على نوع الفيزا الله يكرمه والله بنك ابن حلال والموظفة عربية اسمها عزة عموما الحمد لله والشكر لله

    ReplyDelete
  43. يرجى الإافدة بمواعيد العمل فى رمضان اكرمكم الله

    ReplyDelete
  44. طب انا عندي 16 سنة ينفع اعمل الموضوع
    دة ولا

    ReplyDelete
  45. بليز ياجماعه انا كل ما اتصل ع خدمة العملاء الرقم مشغول وعاوزه افعل الفيزا بقالي شهرين ع كدا

    ReplyDelete
  46. الى يوليو2017 هل فى اى حلول جديدة لسحب الاموال من الباى بال غير الديكسي باى من فضلكم؟

    ReplyDelete