آخر الأخبار

جاري التحميل ...

  1. شكراً لحضرتك علي الموضوع ده أنا بقالي قترة منتظرة payoneer ,لسه موصلتش بس ديه ان شاء الله هتكون أفضل .

    ردحذف
    الردود
    1. أن شاء الله افضل للمصرين بالطبع .

      حذف
    2. أزال المؤلف هذا التعليق.

      حذف
    3. طريقة تفعيل بدئية جدا وغير كده الرقم ده صعب ان يرد عليك اصلا انا بطلبه من الموبايل ولا لازم خط ارضى

      حذف
    4. مينفعش افعلها علي النت

      حذف
  2. طيب انت استلمت الفيزا في نفس اليوم ولا بعد اد ايه؟

    ردحذف
    الردود
    1. بتستلميها وأنتي واقفه يا ناهد وبتتفعل في نفس اليوم أو تاني يوم بمجرد ما بتطلبي خدمة العملاء زي ما موضح بالموضوع بالظبط .

      حذف
    2. طيب انا استلمتها وفعلتها ومفيش رقم سرى شلت الزقه البيضه ومش تحتها رقم

      حذف
    3. الرقم السرى بتعمله لما تحط الفيزا اول مره فى الماكينه

      حذف
  3. وهل ممكن اشتري بيها من الانترنت اي شي ولا سحب فقط الله يكرمك

    ردحذف
    الردود
    1. لا ممكن تشتري بيها طبعاً يا أسامة بأذن الله لا تقلق .

      حذف
    2. بص هي بديلة توماس كوك الخاصة ببنك الـ Cib زيها

      حذف
  4. هل تتسلم فلوسك دولار ولا مصري ؟

    ردحذف
    الردود
    1. الله أعلم هو الـ Paypal بيحول الفلوس بالدولار مش عارف بقي مكنه السحب هتخرجهم أيه وبسعر صرف كام بس علي ما اعتقد لحد ما اسحب أخر الشهر و أقولكم هتستلم بالدولار .

      حذف
  5. هل الفيزا دى بضع فيها فلوس معايا غير اللى بسحبها من paypal

    ردحذف
    الردود
    1. عادي جداً يا أنهار كأنه حساب بنكي بس جاري .

      حذف
  6. الفلوس بتتسحب بالمصري يا جماعة يعني في كل 100 دولار هتخسر أكتر من 140 جنيه فرق سعر الدولار الرسمي عن الدولار في السوق غير الرسمية. وشكرا

    ردحذف
    الردود
    1. مشكلة كبيرة طبعاً في سحب الأموال .

      حذف
  7. وصل وصل وصل وصاااال :D
    الحمد لله الفيزا وصلتلي اليوم علي البيت بعد ما أتبعت الخطوات جزاك الله خيراً يا مصطفي وشكراً ليك جداً جداً عاوزة أرف الصورة مع التعليق بس مش عارف أرفع صورة في التعليقات إزاي , يا ريت تسمحلنا بالموضوع ده وشكرأً ليك تاني مش متخيل فرحتي ^_^

    ردحذف
    الردود
    1. بسم الله ما شاء الله ^_^
      ربنا يديم فرحتك يا رب وتحت أمرك في اي حاجة تحتاجها انا كمان فحانلك والله .

      حذف
    2. انا عايز اعرف ماكينه سحب الفلوس تبع انهي بنك

      حذف
  8. لو سمحت هو لو انا مستخدمتش الفيزا لمده 3 شهور تتقفل مع العلم بان فى الحساب نقود

    ردحذف
    الردود
    1. لا يا أحمد عادي جداً زيها زي أي فيزا , الفيزا مش هتتقفل غير لما معاد تجديدها يجي وأنت متجددهاش .

      حذف
  9. لو سمحت هو لو انا مستخدمتش الفيزا لمده 3 شهور تتقفل مع العلم بان فى الحساب نقود

    ردحذف
    الردود
    1. لا يا أحمد عادي جداً زيها زي أي فيزا , الفيزا مش هتتقفل غير لما معاد تجديدها يجي وأنت متجددهاش .

      حذف
  10. السلام عليكم
    هل تعلم حضرتك ما الفرق بين الحساب الجارى الفضي والذهبي والبلاتيني ودفتر التوفير واستثمار فيصل؟
    وهل اي منها يمكن استخراج له فيزا البريد المصرى؟

    ردحذف
    الردود
    1. فيزا البريد المصري هي فيزا مرتبطه بحسابك الجاري في البريد المصري , وليس لها أي علاقة أو إرتباط بأ بنك مصري أو أجنبي ,,, هو فقط بمثابه حساب خاص بك ولكن في البريد المصري .

      حذف
  11. ارجوا ياشباب التاكد وعدم التسرع
    فيه حد كان له مشكلة مع فيزا البريد المصري تاريخ 2-7-2016 نصها هو :
    اواجة مشكلة عدم تمكني من سحب رصيدي في باي بال المربوط بفيزا البريد المصري
    مع العلم اني املك فيزا اللي ب 30 جنية وشحنتها ب 100 جنية اول ما اشتريتها واستقبلت عليها اموال والكلام دة من حوالي 20 يوم مثلا
    المشكلة الان اني لا استطيع القيام باي عملية شراء علي الانترنت وتاتي لي هذة الرسالة :

    We're sorry, but your transaction couldn't be completed using the selected card, Visa x-5885. This happened because it has been denied by the card issuer.


    الرجاء ما الحل ؟
    وجاله الرد الصادم ده من احد الشباب :
    يا اخى ارميها لان البنك المركزى منع التعامل مع باى بل
    وده رابط الموضوع http://www.traidnt.net/vb/traidnt2643608/

    ردحذف
    الردود
    1. البنك فعلاً كان قافل كل شئ من تاريخ 30-6-2016 وكنا في مهزله محدش عارف ستلم حاجة , اليومين دول القيوض أتفكت والlimit أترفع نوعاً ما طبقاً لكل بنك .

      حذف
    2. ممكن توضيح يعني هي شغالة دلوقتي ولا لأ وقيوض ايه اللي اترفعت نوعا ما يعني تنصحني أشتريها ولا فيه بديل أحسن

      حذف
    3. لا يا وليد , خلاص متشترهاش ولا لها إي لازمه روح بكرا أسال في البنك العربي الافريقي وشوف دنيتهم عندهم حاجة للانترنت كويسة جداً مش فاكر اسمها بس هستخرجها وهنزلكم موضوع تفصيلي عنها .

      حذف
  12. لو سمحت دقدر تقارنلي بين فيزا البريد وفيز البنوك المختلفه وايهما افضل بالنسبه لبيبال وبالنسبه للعادي
    اقصدبفيزا البنوك الفيزا الغير مرتبطه بحساب بنكي

    ولو رابط حسابي بفيزا البريد مفيش طريقة استلم الحساب بالدولار بدل الجنيه
    ارجو الردوشكرا

    ردحذف
    الردود
    1. للأسف البنك المركزي خلاص خلي كله واحد يا إبراهيم , لا مفر !

      حذف
  13. موضوع جميل جدا ومفيد وكنت فى حاجة اليه ولكنى وجدت كثير من المواقع و المدونات يتحدثوا عن البطاقة واغلبهم يقول انه تم ايقاف استلام الامول من باى بال بقرار من البنك المركزى واغلب المواضيع من 3 شهور او اكثر فهل انت تقوم بأستلام الاموال حاليا عليها فى انتظارك للرد لاقوم بالحصول عليها او ترك الامر و التعامل بـ بايونير

    ردحذف
    الردود
    1. للاسف البنك المركزي ضيق عليما جداً وملحقناش نتهنا بيها يدوبك سحبه , وقل ومنع التعامل ببيها !

      حذف
    2. أزال المؤلف هذا التعليق.

      حذف
    3. أزال المؤلف هذا التعليق.

      حذف
  14. يعنى خلاص يا جماعه كده الفيزا اتوقفت ولا ايه

    ردحذف
    الردود
    1. أيوه للأسف توقفت نهائياً ان شاء الله تابعونا عليكن رائد هنزلكم حلول جديدة

      حذف
  15. طيب انا كنت حاطه عليها فلوس ولما بحاول اسحبها من اي ماكنه atm بيقولي في خطأ لو روحت البريد اقدر اسحبهم ولا كده خلاص راحوا عليا

    ردحذف
    الردود
    1. طبعاً تقدي تروحي تحسبيهم هما في حسابك بالبريد مفيش مشكله .

      حذف
  16. السلام عليكم، ألا زال هذا الأمر إلى الآن؟ أم توقف إخراج تلك البطاقات؟
    هل طلبوا منك إثبات وظيفة؟

    ردحذف
    الردود
    1. وعليكم السلام ورحمه الله وبركاته أخي أسامه , لم يعد هناك فرص لاستخراج تلك البطاقة حيث انها متوقفه الان , ولكن بناء علي بعد الأخبار علي بعض مواقع العمل الحر ومنتديات المستقلين المصريين يقال أنها ستعود من منتصف شهر 1/2017 والله اعلم , ولا تحتاج إلي اثبات أي وظيفه فقط بطاقتك وشهادة الميلاد والأوراق الاخري المطلوبة .

      تشرفت بتعليقك ♥

      حذف
    2. هو لازم احط فلوس علشان استلم الفيزا

      حذف
    3. هو لازم احط فلوس علشان استلم الفيزا

      حذف
  17. ملحوظة عن تجربة بخصوص ربط بايونير بباي بال :
    الباشمهندس احمد مسعد قال انه ممكن يتحظر عشان شركة منفسة وكده بالإستناد على تجربة كذا واحد يعرفه , بس انا هقول تجربتي , ممكن تطلع صح ممكن تطلع غلط , بس ممكن يكون سبب الحظر زي تجربتي , اول مرة حاولت اربط حساب بنك بايونير بحساب باي بال كان اسم حسابي في بايونير محتلف عن اسم حسابي في باي بال , فلما استقبلت حوالة من باي بال للحساب البنكي في بايونير بغرض التفعيل , كان اختلاف اسم الحسابين سبب في حظر حسابي في بايونير , وطلبوا مني اثبات هوية صاحب حساب باي بال وعلقتي بيه وتاريخ ميلاده واسمه الكامل , واترفع الحظر من الحساب , بس عملت حساب باي بال جديد بنفس الاسم بتاع بايونير واتربط عادي جدا من غير حظر , انهاردة استقبلت اول حوالة من باي بال للبايونير ومفيش اي مشاكل خالص والفلوس في حساب بايونير عادي من غير مشاكل , حبيت انبه الناس الي عايزة تربط باي بال ببايونير عن طريق الحساب البنكي التاكد من ان الحسابين ليهم نفس الاسم

    ردحذف
    الردود
    1. شكراً يا أحمد علي التفاصيل الرائعة ديه والتوضيح ده , فعلاً يا ريت الناس تاخد بالها من الموضوع ده أن في التعاملات المادية البنوك الألكترونية بتحرص جداً جداً جداً علي الأسماء والبيانات , وده حاجة في صالحنا عشان أمان أموالنا وحسابتنا .

      حذف
  18. انا رحت البريد المصري من حوالي ثلاث شهور والموظف قاللي انه تم الغاء ميزة البيبال الخاصه بالفيزا
    فطبعا قلت وايه لزمتها كده؟
    هي في الحقيقه كانت حتحل مشاكل كتير ... لكن هذا قدرنا نحن المصريون
    انا بستخدم فيزا dixipay
    لكنها مكفلة جدا رسوم صيانة شهريه 3 دولار
    وعند السحب من الماكينة 3 دولار
    يعني لو مكنش عندك دخل كبير بلاش ..( وهي الحل الوحيد المتاح حاليا )

    ردحذف
    الردود
    1. dixipay فعلاً غالياً جداً , لكن أن شاء الله هيكون في حلول زي فيزا الأنترنت من بنك مصر أان رحت قدمت عليها والمفروض خلال أسبوعن أن شاء الله أروح أستلمها بس المشكله ليها حدود 3000 جنية في الشهر , سواء كان حد شراء أو بيع .

      حذف
    2. تم رفع حظر الشراء علي فيزا البنوك الي حد اقصي 1000 دولار شهرياً
      يعني تقدر تشتري من الانترنت بحد أقصي 1000 دولار
      انا جربت فيزا بنك مصر

      حذف
  19. لو سمحت هيا لسه شغاله ولا لاء
    وياريت تقولي حل عشان ف ناس بتقول انها ممكن تدخل جوا مكنه ال ATM ومتطلعش
    وشكرا مقدما

    ردحذف
    الردود
    1. ده طبيعي جداً لان العمل بها توقف نهائياً , ومش عارفين لسه إذا كانت هترجع او لا وعمليه سحبها اتوماتيكياً ده لانها أصبحت غير فعاله في الوقت الحالي .

      حذف
  20. معلش ف السؤال
    هوا بعد اما اقولهم انا عايز فيزا اكلم خدمه العملاء عشان ااكدها الاول ولا اشحنها ب ال100 جنيه الاول

    ردحذف
    الردود
    1. الفيزا وقفت خلاص , لكن العادي انك بعد ما بتستلمها بتروح تحط فيها فلوس حتي لو 20 جنية وتفعلها .

      حذف
  21. هو انا عشان اسحب فلوش من ال ATM لازم اربط الفيزا بال بى بال مه العلم انى مش هشترى ا حاجة عن طريق الانترنت ؟؟

    ردحذف
    الردود
    1. بتكلم عن أني فيزا بالظبط ؟ ولول بتكلم عن باينير أو ديسكي باي فعادي جداًبتروح مباشراً تسحب من الـ ATM .

      حذف
  22. طيب لو سمحت دوقتى انا ليا فلوس ع موقع انترنت،، عايزة احولها على اى ماستر كارد او فيزا،، و الموقع بيرفض الماستر كارد بتاعى على بنك القاهرة،، ايه الحل الله يبارك ل

    ردحذف
    الردود
    1. بنك القهارة مش بيقبل في كل المواقع , عندك فيزا البنك العربي الأفريقي , او فيزا بنك مصر دول تمام , بس علي حسب الموقع , انت شغال مستقل علي موقع أيه ؟

      حذف
  23. طبّ بالنِّسبة لحساب التّوفير في البريد.. أكيد معاه ڤيزا! هل الڤيزا دي صالحة للعمل الإلكتروني ولّا إيه؟

    ردحذف
    الردود
    1. الصراحة معنديش علم بالموضوع ده ممن تتصل تسالهم وياريت لو تبلغني لو فعاله وجزاك الله خيراً.

      حذف
  24. السلام عليكم هل في اي طرق جديده لسحب الفلوس من بايونير

    ردحذف
    الردود
    1. بأذن الله خلال الأسبوع ده هنشرلكم مفاجأءة بخصوص الموضوع ده هتكون سهله وتكلفتها أقل بكتير كمان .

      حذف
  25. اخي فيزا البريد المصري متوقفه الان ... لا يمكنك تفعيلها مع البيبال
    الكلام ده منذ فتره ونحن ننتظر
    اما انا استخدم فيزا ديكسي باي
    ولكنها مكلفة جدا جدا وخصوصا اذا كانت ارباحك قليله
    حيث تخصم شهريا 3 دولار رسوم صيانه
    وتخصم 3 دولار عند السحب
    وايضا البيبال يخصم رسوم التحويل الي الفيزا
    اتمني التوفيق للجميع

    ردحذف
    الردود
    1. شكراً لتعليقك وقد سبق ونبهت بالفعل أن فيزا البريد المصري لسحب الاموال من الباي بال قد توقف نهائياً ولكن لأن الموضوع مؤرشف في جوجل وحاصل علي ثقة عاليه بفضل الله مازال يظهر لمن يريد أن يسحب أمواله من الأنترنت .

      حذف
  26. طيب انت سحبت من دكسى باى قبل كده من مكنة اى تى ام

    ردحذف
    الردود
    1. مكلفه جداً منصحش التعامل بيها خصوصاً لو أرباحك شهرياً اقل من 500 دولار , بأذن الله خلال أيام هنشر حل رائع لفيزا أنترنت بنك مصر فقط جاري تجربتها قبل كتابه الموضوع .

      حذف
  27. شكرآ ياباشا على الموضوع الجميل ده وعلى المجهود الى حضرتك بزلته

    ردحذف
  28. طيب هل ممكن افعلها عن طريق الفيزا الشخصي واسحب من البايبال

    ردحذف
  29. انا عملتها ب ٧٠ جنية رسوم 20 جنية وحطيت فيها 50 جنية فهل الفيزا دى تنفع لربطها بالباي بال او استخدامها للسحب عبر الانترنت

    ردحذف
    الردود
    1. انتا كدا عملت حساب الحساب بيتعمل ب20ج و50ج اقل حاجة في الساب لكن الفيزا بتتعمل ب500 اقل حاجه

      حذف
  30. وقالى استلامها بعد شهر وادانى ايصال بالاستلام وادانى رقم الحساب

    ردحذف
  31. نصيه لله البريد المصرى خدمة سيئة للغاية عن تجربة شخصية

    ردحذف
  32. طب فيزا البريد المصري ينفع أشحن بيها أي منصة تداول فوركس علما بأن الشحن بالدولار

    ردحذف
  33. ها يا جماعة ايه اخر الاخبار وصلتوا لحلول ؟ نسحب فلوسنا ازاى من بايبال الله يكرمكم ؟

    ردحذف
  34. انا جبتها بس برن علي الرقم بتاع التفعيل وعلي طول مشغول وبقعد ع إنتظار

    ردحذف
  35. لو سمحت انا لو عايز اطلع واحده اقولهم ايه وايه المتطلبات بالظبط

    ردحذف
  36. وممكن تقولى ثمنها كام

    ردحذف
  37. وممكن تقولى ثمنها كام

    ردحذف
  38. تم ارسال شكوى الى بوابة الشكاوى الحكومية بهذا الخصوص وللتظلم من قرارات البنك المركزة

    ردحذف
  39. أزال المؤلف هذا التعليق.

    ردحذف
  40. انا مش فاهم انتو بهايم ازاى محدش فكر يكلم خدمة عملاء باى بال ههههها انا كلمتهم عن طريق الرسائل فى الموقع ردت الموظفة قالتلى هات بطاقة كريدت كارد وفى واحد حكى على النت ان العملية نجحت هههههههها الحمد والله والشكر لله وانا لسة لا استخرجت فيزا ولا سحبت شيئا وبالتوفيق ان شاء الله واعولى الله يكرمكم

    ردحذف
  41. انا اتنفخت من هذا الموضوع لولا ان باى بال قالى على نوع الفيزا الله يكرمه والله بنك ابن حلال والموظفة عربية اسمها عزة عموما الحمد لله والشكر لله

    ردحذف
  42. يرجى الإافدة بمواعيد العمل فى رمضان اكرمكم الله

    ردحذف
  43. طب انا عندي 16 سنة ينفع اعمل الموضوع
    دة ولا

    ردحذف
  44. بليز ياجماعه انا كل ما اتصل ع خدمة العملاء الرقم مشغول وعاوزه افعل الفيزا بقالي شهرين ع كدا

    ردحذف
  45. الى يوليو2017 هل فى اى حلول جديدة لسحب الاموال من الباى بال غير الديكسي باى من فضلكم؟

    ردحذف
  46. شباب انا عاوز اعرف بس اجيب فيزا استلم بيها فلوس من اى حته او اشترى من النت او ادفع بيها فاتوره اسمه ايه وجبه ازى ؟ وشكرا

    ردحذف
  47. للجميع فيزا تستلم بيها فلوس فى مصر من اى بنك مفيش لان كل البنوك وأي منظومة مالية بتكون تباعة للبنك المركزي بتتبع القوانين بتاعتها ومفيش فى مصر فيزا استلام او على الاقل مش لينا كـ شباب من الممكن يكون للحسابات الكبيرة والى بتكون معاها فيزا يمكن فيها استلام لكن للاغلبية العامة بيكون فى مفتاح تحويل وبتروح تستلم من البنك

    ردحذف
  48. ياجماعه انا لسه بداء شغل علي الانترنت وعايزه احصل علي فيزا تكون بتتربط ب الباي بل اجيب فيزا ايه

    ردحذف
  49. السلام عليكم ورحمه الله وبركاته
    انا عملت كريدت كارد من بنك مصر من نوع فيزا
    وللاسف ماقبلتش الربط بالباى بال ولما اتصلت بخدمه العملاء قالو انها متاحه للاستخدم على النت على مواقع معينه بس زى المصريه للاتصالات وفودافون

    عايز اسال بس حد يكون متاكد ومجرب هل فيزا كريدت كارد البنك الاهلى هتقبل الربط بالباى بال ام لا
    ولو فيه وسيط او طريقه اقدر اسحب مبلغ من الباى بال من خلالها يكون احسن لانى معايا 400 دولار عليه ومش عارف اتصرف فيهم
    فياريت يكون فيه وسيط اتقابل بيه احول عليه المبلغ ويسلمنى افلوس

    ردحذف
  50. جميع تفاصيل كارت فيزا الانترنت الجديد من البريد المصري - Easy Pay
    سيتم نشرها خلال ايام عقب تجربه الفيزا ان شاء الله وإليكم بعض التفاصيل المبدئية
    =============================
    البريد المصرى يطرح كارت المشتريات الجديد "فيزا" يحل مشكله السحب من البنوك الالكترونية
    متوفرة فى اغلب مكاتب البريد

    اسمه easy pay
    -اولا هو سعره 25 جنيه
    -يباع لمن هو فوق سن ال16 سنه فقط
    حد ادني للايداع100 جنيه الكارت مش هيقبل اقل من كده
    -حد اقصي للايداع في اليوم الواحد 5000 و بحد اقصي في الشهر كله 20000 جنيه
    ووده بالنسبه للايداع
    نيجي للمشتريات
    -حد اقصي للشراء 10000 يوميا بالعمله المصريه
    -حد اقصي للشراء 200 دولار يوميا بحد اقصي 1000 دولار شهريا

    وزي ما قولتلكم هنشر خلال ايام كل التفاصيل الي هتحتاجهوها عن فيزا البريد المصري عشان تعرف تسحب الارباح الخاصة بك كفريلانسر ان شاء الله.

    ردحذف
  51. شكرا جزيلا لك على هذا الموضوع
    ياريت تشرح الفيزا الجديدة

    ردحذف
  52. طب انا فعلت الفيزا وشحنتها وفعلت حسابي في البايبال والموقع اللي شغال عليه في الفريلانسر بعتلي 50دولار على حسابي جيت افتح حسابي البايبال بيقولي اسفين نحن لن نستطيع اكمال متعلقاتك في هذا الوقت الرجاء ابحث عن طرق اخرى للدفع او ابحث عن مواقع الويب التجارية

    ردحذف
  53. عايز مساعدة بقالي خمس ايام واقف ومتعطل بسبب كدة

    ردحذف

تعرف علي فيزا البريد المصري من التفعيل حتي إستلام الاموال .

مدونة كن رائد
إستلام الاموال من الباي بال عن طريق فيزا البريد المصري 

فى حالة ان كنت تستخدم هذه الفيزا لشراء الالعاب او استلام الاموال من

 

الالعاب يمكنك التوجه إلى موقع ( حريفة.كوم ) حيث الكثير من المواضيع عن

 

كيفية الربح من العاب الفيديو حتى وان لم تكن تحترفها او تتعامل معها من

 

قبل. 

 

السلام عليكم ورحمه الله وبركاته اليوم بأذن الله سأتحدث معكم عن موضوع هام جداً لكل فري لانسر Freelancer مصري إستلام الاموال عن طريق موقع Paypal , فلو كنت فري لانسر أو باذن الله ناوي تشتغل أو حتي بتبيع حاجة علي الانترنت ومش عارف تستلم فلوسك ف النهاردة بفضل الله أستلمت فلوسي من Paypal عن طريق فيزة " كل الناس "  وفي هذا الموضوع علي مدونتكم كن رائد هنقلكم تجربتي مع فيزا البريد المصري لإستلام الاموال اونلاين .


خطوات الحصول علي فيزا كل الناس من البريد المصري 

صورة من موقع البريد المصري توضح ما هي فيزا كل الناس

 أولاً هتتجه لأقرب فرع بريد مصري ليك وتسالهم علي فيزا كل الناس وتتأكد أن هي الفيزا المطلوبة لأن في فيزا بـ 15 جنية مصري ديه مش هنحتاجها لانها مش هتقدي الغرض وملهاش علاقة بالتعامل الالكتروني أو حتي إستلام الاموال من Paypal.
الفيزا المطلوبة هي فيزا كل الناس من البريد المصري وديه ثمنها 30 جنية مصري ويوجد منها ثلاث أنواع :
  • فيزا كل الناس للأسرة
  • فيزا كل الناس للشباب
  • فيزا كل الناس لرجال الاعمال 

أنواع فيزا البريد المصري كل الناس :

الصراحة أنا جبت فيزا كل الناس لرجال الأعمال هي مش هتفرق في حاجة علي حد علمي كلهم زي بعض عادي الفكرة كلها في معدل السحب الشهري واليومي فخلينا في الكبيرة لعل وعسي تبقي يوماً ما من رواد الاعمال في العمل الحر وتكسب فلوس كتير والله وحده من يقسم الأرزاق لمن يشاء كيف يشاء .

 خطوات تفعيل فيزا كل الناس من البريد المصري 

 لتفعيل فيزا البريد المصري كل الناس بعد شرائها هيدوك علي الشباك رقم عشان تتصل بيه تاني يوم وغالباً هيكون رقم خدمة العملاء في البريد المصري 0235315900 هترد عليك موظفة خدمة عملاء البريد المصري وهتطلب منها انك تفعل الفيزا هتطلب منك اسمك ورقم الفيزا وهتفعلها قبل ما تقفل .

كيفية ربط فيزا البريد المصري كل الناس بـ الـ Paypal ؟

عشان تربط الفيزا علي الـ Paypal هتروح تضيف فيها مبلغ مالي هو المفروض اي مبلغ عادي لكن موظف البريد المصري قال أن الحد الادني لإضاع هو 100 جنية مصري , ولازم تشحن قبل ما تربطها بحسابك في Paypal لأنك لو مضفتهاش مش هيقبلوها وأنا حاولت فعلاً اعملك كدة يعني عن تجربه .

كيفية إستلام أموالك في باي بال Paypal عن طريق فيزا البريد المصري ؟

بعد ما تفعل الفيزا وتربطها زي ما شرحتلكم في الخطوتين الي فاتوا دلوقتي جه وقت سحب المال طبعاً سهله جداً في اي منصة عمل حر انك ترسل اموالك للـ Paypal وبعد ما بترسلها بتنتظر 3 أيام وتتوجه لأي مكنة صرف آلي ATM وبتسحب فلوسك زي أي حد عادي جداً وحتي الان لسه مفي نسبة بتتخصم علي سحب الفلوس .

طريقة الأستعلام عن رصيدك في فيزا البريد المصري كل الناس 

تقدر تستعلم عن رصيدك في باي بال Paypal عادي جداً عن طريق الاتصال علي رقم خدمة العملاء الخاص بالبريد المصري وغالباً بردو هو هو نفس الرقم الي أخذته لتفعيل الفيزا 0235315900 وتقدر تستعلم عنه علي مدار 24 ساعة عادي جداً .

تنويه هام 
فيزا البريد المصري لم تعد فعاله للتعاملات الإلكترونية وناب عنها حالياً فيزا Easy Pay من البريد المصري الان إن كنت تبحث عن طريقة لإستلام الارباح اونلاين من باي بال توجه إلي هذا الموضوع مباشراً عن طريق الضغط علي الجمله ما بين القوسين
 أفضل طريقة لسحب الأرباح وإستلام الاموال }




في النهاية أنا كدة بفضل الله شرحتلكم كل حاجة ممكن تحتاجوها عن فيزا البريد المصري وأظن خلاص ملكمش حجة دلوقتي عشان تشتغلوا وتستلموا اموالكم بفضل لله ولو محتاجين أي حاجة في العمل الحر تقدروا تراسلوني أو تكتبوا تعليق .

عن الكاتب

mkryad

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

كن رائد